თერაპიული სტომატოლოგიის მიზანია კარიესისა და მისი გართულებული ფორმების დიაგნოსტიკა, მკურნალობა.

ორთოდონტია წარმოადგენს კბილების არასწორი დგომისა და თანკბილვის გასწორების ყველაზე ეფექტურ და რეკომენდებულ გზას. საუკეთესო ესთეტიკური ეფექტის მიღება მხოლოდ ორთოდონტიული მკურნალობის დახმარებითაა შესაძლებელი. სხვადასხვა სახის ბრეკეტ-სისტემების საშუალებით კი შედეგის მიღწევა ოპტიმალურ დროშია შესაძლებელი.

პაროდონტოლოგია სტომატოლოგიის მიმართულებაა, რომელიც ღრძილების დაავადებების თერაპიულ და ქირურგიულ მკურნალობას ითვალისწინებს.
ჩვენ ვატარებთ დაავადებების პროფილაქტიკასა და მკურნალობას, მათ შორის გინგივიტის (ღრძილების ანთება), პაროდონტიტის (ანთებითი დაავადება, რომელსაც ახასიათებს კბილის ირგვლივ მდებარე ძვლის დაშლა), ღრძილების რეცესიის (ღრძილების დაწევა და ფესვების გაშიშვლება) და პერიიმპლანტიტის (იმპლანტის გარშემო ქსოვილების ანთება) მკურნალობას.
პროფესიული მიდგომით და თანამედროვე ტექნოლოგიების გამოყენებით, ვზრუნავთ თქვენი ღიმილის ხანგრძლივ ჯანმრთელობაზე.

ქირურგიული სტომატოლოგია სტომატოლოგიის ერთ-ერთი უმნიშვნელოვანესი მიმართულებაა, რომელიც პირის ღრუში განვითარებული სხვადასხვა პათოლოგიური პროცესის დიაგნოსტიკას, პრევენციასა და ქირურგიული გზით მკურნალობას გულისხმობს.

"EU Dent" - ში ქირურგიული ჩარევები ტარდება თანამედროვე სტანდარტების შესაბამისი, უახლესი ტექნოლოგიებით.

მაღალკვალიფიციური ქირურგ-სტომატოლოგები ზრუნავენ პირის ღრუს ფუნქციისა და ესთეტიკის სრულფასოვან აღდგენაზე

ჩვენი მთავარი პრიორიტეტია პაციენტის კომფორტი და უსაფრთხოება, რისთვისაც ვიყენებთ გაუტკივარების მეთოდებს, რაც უზრუნველყოფს უმტკივნეულო და ეფექტურ მკურნალობას.


ქირურგიული სტომატოლოგია მოიცავს:

დენტალური იმპლანტაცია კბილების ნაწილობრივი ან სრული არარსებობისას ღეჭვითი და ესთეტიკური ფუნქციის აღდგენის საუკეთესო ალტერნატივას წარმოადგენს.

დენტალური იმპლანტაცია გულისხმობს ხელოვნური ფესვის (იმპლანტის) ყბის ძვალში დანერგვას. იმპლანტი წარმოადგენს საყრდენს, რაზეც შემდგომში ფიქსირდება ხელოვნური კბილი იგივე გვირგვინი. მიუხედავად სხვადასხვა მეთოდის არსებობისა, დენტალური იმპლანტაცია რჩება ყველაზე თანამედროვე და ეფექტურ გზად დაკარგული კბილების აღსადგენად.

EU Dent -ში იმპლანტაციის პროცედურა სრულად უმტკივნეულოა და ტარდება როგორც ადგილობრივი, ისე ზოგადი ანესთეზიით.

ოპერაცია საშუალოდ 40 - 60 წუთს გრძელდება, ხოლო შედეგი ბუნებრივი კბილისაგან არ განსხვავდება.

ორთოპედია გულისხმობს ყბა-სახისა და კბილთა სისტემის ჯანსაღი ფუნქციის დარღვევის დიაგნოსტიკას და მათი მიზეზებისა თუ შედეგების მკურნალობას.

ორთოპედიული მკურნალობის შედეგად ხდება კბილთა მწკრივის დეფექტების აღმოფხვრა, თანკბილვის ანომალიათა გასწორება და საუბრის სრულფასოვანი ფუნქციის აღდგენა.

ორთოპედიული მკურნალობა საშუალებას გვაძლევს გამოვასწოროთ დარღვეული ღეჭვითი ფუნქცია და მეტყველების დეფექტები, ამასთან ერთად, ორთოპედიული მკურნალობის შემდეგ პაციენტის სახეს უბრუნდება სიმეტრია.

ჯანმრთელი ღიმილი ბავშვობიდან

ბავშვების სტომატოლოგთან ვიზიტისთვის მომზადება ჯერ კიდევ სახლში, მშობლების მხრიდან ფსიქოლოგიური მომზადებით იწყება. საჭიროა პატარა პაციენტებს ნებისმიერი მანიპულაციის შესახებ ინფორმაცია სტომატოლოგთან ვიზიტამდე მივაწოდოთ, სწორედ ეს მიდგომა განსაზღვრავს მის შემდგომ დამოკიდებულებას სტომატოლოგიის, პირის ღრუს მოვლისა და ზოგადად, ექიმების მიმართ.

ბავშვების პოზიტიური განწყობის ჩამოყალიბების შემდეგ, მათ ვაწვდით დეტალურ ინფორმაციას ჩასატარებელი პროცედურების შესახებ და მხოლოდ ამის შემდეგ ვიწყებთ მკურნალობის პროცესს.

ბავშვთა ასაკის ყველაზე გავრცელებული პრობლემა კარიესია. დაავადების დროულად არ აღმოჩენის შემთხვევაში, შეიძლება დაიწყოს ანთებითი პროცესები, რასაც ხშირად თან ახლავს ტკივილი და ღრძილების შეშუპება. ამიტომ, პრევენციული ღონისძიებები, როგორიცაა კბილის დაბჟენა ან ფთორირება, გადამწყვეტია.

"EU Dent" - ის ბავშვთა სტომატოლოგები განსაკუთრებულ მომზადებას გადიან იმისთვის, რომ იმუშაონ ბავშვებთან და მოზარდებთან. მათ ესმით ბავშვების ფსიქოლოგია და იციან, როგორ შექმნან პოზიტიური, არასტრესული გარემო ჩვენი პატარა პაციენტებისთვის.

• გათეთრება ლაზერით

• ენდოგათეთრება

კბილების გათეთრება ლაზერით ძალიან ხანმოკლე, მარტივი და უმტკივნეულო პროცესია. ლაზერით გათეთრებისას კბილებზე თავსდება სპეციალური გელი, რომელში არსებული ნივთიერებებიც ამდიდრებენ მინანქარს.

ლაზერის აპარატიდან გამოსხივებული ტალღა ააქტიურებს გელს და ცვლის კბილის ფერს. ამასთან ამტკიცებს და აჯანსაღებს მინანქრის სტრუქტურას და ეფექტურად მოქმედებს ღრძილებზეც. გათეთრების შედეგად, ღრძილებიც უფრო ჯასაღად გამოიყურება.

თანამედროვე სტომატოლოგიაში ფერშეცვლილი კბილების ენდოგათეთრება გულისხმობს კბილის შიგნიდან გაღიავებას მათეთრებელი აგენტის მოქმედებით, კერძოდ ფესვის არხიდან.

დენტალური რადიოლოგია წარმოადგენს თანამედროვე დიაგნოსტიკურ მიმართულებას, რომელიც კბილების, ყბისა და მიმდებარე ქსოვილების რენტგენოლოგიურ კვლევას მოიცავს. კვლევების საშუალებით სტომატოლოგი დეტალურად აფასებს იმ სტრუქტურებს, რომლებიც თვალით არ ჩანს და ზუსტად გეგმავს მკურნალობას.

"EU Dent" -ში ვიყენებთ თანამედროვე ციფრულ ტექნოლოგიებს, მათ შორის პანორამულ რენტგენოგრაფიასა და 3D ტომოგრაფიას (CBCT), რაც უზრუნველყოფს მაღალი სიზუსტის დიაგნოსტიკას